Það er mjög kúl að dópa

Eftir að ég flutti aftur heim frá Danmörku um mitt síðasta ár, þá tók ég eftir einu. Eða ég tók nú eftir fullt af hlutum en ég ætla ekki að fjalla um þá alla hér.

drugs.jpg

Rosalega eru margir farnir að fikta við eiturlyf. Þetta sló mig nú svo sem ekkert útaf laginu enda er ég maður í miklu jafnvægi bæði líkamlega og andlega. Samt ekki líkamlega og eiginlega ekki andlega heldur, en engu að síður þá sló þetta mig nú ekki útaf laginu.

Mikið af fólki sem ég þekkti hafði greinilega höndlað flutning minn til Skandinavíu gífurlega illa og látið sorgina leiða sig út í harða neyslu fíkniefna í leit að huggun. Fljótlega fór ég að taka eftir því að fólk sem ég þekkti ekki neitt var einnig að fikta við dóp-djöfulinn og þá læddist að mér sá grunur að kannski var það ekki brottför mín til Danmerkur sem setti landann á hvolf heldur eitthvað annað.

Mannvitsbrekkan og hugsuðurinn sem ég er fór þá að spá í hvað hefði valdið þessum stakkaskiptum sem íslenskt samfélag var að ganga í gegnum.

“Fyrst og fremst er þetta auðvitað rappmúsíkinni að kenna.”

Þetta er algengasta svar foreldra við aukinni dópneyslu. Rapparar auðvitað dópa mjög mikið því að þeir eru hrikalega töff. Það er mjög mikilvægt að dópa hart til að vera góður rappari af því stundum er þetta þriðja giggið manns í kvöld og þess vegna er maður svona hás.

Það er engin rappari sem finnst ekki gott að dópa og yfirleitt geta þeir ekki hætt á meðan Helgi gerir takta. En síðan eru unglingarnir svo áhrifagjarnir að þeir byrja að eiturlyfja sig í gang því að þeir elska rapptónlist.

Það er líka önnur stétt sem stundar mikla eiturlyfjanotkun og það eru forstjórar.
Forstjórar eiga mikið af peningum og þeir nenna ekki að drekka bara Tuborg þegar þeir þurfa að fagna góðum business samningum svo að þeir fá sér mjög mikið kókaín.
Það eru mjög margir sem líta upp til forstjóranna og þess vegna byrja allir líka að herma eftir þeim.

En…

Það gleymist stundum að eiturlyf eru hættuleg. Þau láta mann örugglega fá sjúkdóma og svo getur maður dáið. Ef ég myndi fara að fikta við eiturlyf þá myndi ég koma mér fyrst niður í svona 4% fitu þannig að ég væri mjög æðaber og svo myndi ég fara beint í heróínið. King of drugs.
Ég myndi aldrei nenna að reykja gras eða hass eins og einhver hlandfata á bótum. Kókaínið er frátekið fyrir rappara og forstjórana og amfetamín er fyrir þá sem þurfa að vinna langa vinnudaga og mega ekki verða þreyttir.

Heróín hefur aldrei náð almennilegri fótfestu hér á landi eftir því sem ég best veit en ég er svo sem enginn upplýsingafulltrúi undirheimana. En ég held að það væri frábært ef allir sem eru í kókaíninu myndu hætta því strax og skella sér í gamla góða blue magic eins og vinur minn Denzel kallar heróínið.

heroin
Mjög nettur gaur að fá sér King of Drugs

Ástæðan er einföld, það verða allir svo æstir af þessu kóki og eru alltaf með derring og vesen á djamminu. Það væri svo miklu þægilegra fyrir alla, sérstaklega dyraverði, ef allir væru bara með gott belti utan um handlegginn á sér, sprautu í bísepnum og væru liggjandi á dýnu.

Ég orðinn mjög þreyttur á því að þegar ég fer á djammið að þá eru menn að bjóða mér fíkniefni trekk í trekk.

Samfélagið vill á skrítinn hátt ekki að maður tali um fíkniefnanotkun því það er svo mikið að fíklum sem hafa ekki stjórn á neyslunni og eru þungt haldnir í kjölfarið. Já kannski, en það er líka ógeðslega mikið af helvítis aumingjum í rúllukragabolum og stelpum í stuttum pilsum sem hanga á B5 sem fá sér eiturlyf á djamminu af því að það er svo kúl.

Alveg eins og sumir sem eru feitir eiga við alvarleg vandamál að stríða og þurfa aðstoð en margir aðrir (flestir) sem eru feitir eru agalaus fórnalömb sem kenna öðrum um sína eigin leti.

En aftur að eiturlyfjunum. Hvernig er best að stöðva eiturlyfjaneyslu?

Rodrigo Duterte forseti Filipseyja er að prófa eina nokkuð skemmtilega leið. Hann ekur um á mótorhjólinu sínu og drepur alla sem nota eða selja eiturlyf. Ég er kannski ekki fan nr.1 af þessari leið en það verður athyglisvert að sjá hvað hún leiðir af sér.

Ég sé Guðna Th. ekki alveg tileinka sér þessa aðferð, hjólandi um á reiðhjólinu með buffið góða á hausnum og eina afsagaða að skjóta alla rappara og forstjóra landsins.

 

Að sjálfsögðu er ég með lausn eins og svo oft áður. Í þetta sinn leysir lausnin mín tvö vandamál. Við lögleiðum fíkniefni EN bara fyrir offitusjúklinga. Því það er ekkert sem grennir menn jafn hratt og gott kókaín. Allir sem eru ekki feitir mega ekki fá neitt dóp og allir feitir verða mjóir þökk sé eiturlyfjum.
Flestu góðu fylgir eitthvað slæmt og í þessu tilfelli munu allir offitusjúklingar verða háðir eiturlyfjum en þið bara hóið í mig þegar allt er orðið fullt uppá Vogi af eiturlyfjaneytendum með auka húð hangandi utan um sig og þá ég leysi þann vanda á núll einni ef ég þekki mig rétt.

Lögfræðingurinn minn sagði að ég verði að segja eftirfarandi:

Einar Ísfjörð styður ekki notkun eiturlyfja á neinn hátt (nema að þú sért rappari eða offitusjúklingur) og hvetur engan til að neyta þeirra (nema viðkomandi sé rappari eða offitusjúklingur). Börn og unglingar ættu ekki undir neinum kringumstæðum að fikta við eiturlyf (nema þau séu að byrja að rappa og/eða byrjuð að bæta á sig aukakílóum) og það er vel hægt að skemmta sér án eiturlyfja.

Hins vegar mæli ég heavy mikið með áfengi. 5 stjörnur af 5 mögulegum.

Leave a Reply