“Nei, kellingar mega ekki vera á júllunum í sundi”

boobs.jpegNú þegar ég hef náð athygli ykkar allra með sláandi fyrirsögn, þá langar mig að tala um jafnrétti kynjana.

Ég geri mér grein fyrir því að maður eins og ég er líklegast ekki að fara að leysa baráttuna um jafnrétti kynjana í eitt skipti fyrir öll… eða jú, reyndar er ég að fara að gera það.

Áður en ég leysi öll vandamálin þá vil ég byrja á einni sögu.

Eins og fyrirsögnin gefur til kynna að þá var dama um daginn sem fór í sund á Akranesi sem er svo sem ekki frásögufærandi nema hún mætti á júllunum ofan í. Reyndar mæta þær nú allar alltaf á júllunum en þessi var sem sagt ekki með bikiní yfir þær. Tja, né var hún í sundbol.

Sundbolir eru aftur orðnir sexý, það er mín skoðun og ég á rétt á henni. #égerekkitabú

Sundlaugarvörðurinn brást æfur við og gargaði á hana. Þar sem ég var ekki á staðnum þá verð ég að fylla inn í eyðurnar, en ég reikna með að samtalið hafi verið nákvæmlega svona:

Sundlaugarvörðurinn: “Jæja kelling. Þú átt að vera í sundfötum.”
Kona á júllum: “Ég er í sundfötum”
Sundlaugarvörður: “Þú ert á júllunum, kelling!”
Kona á júllum: “Ég má vera á júllunum eins og allir karlarnir hér”
Sundlaugarvörður: “Nei, kellingar mega ekki vera á júllunum í sundi!”

Það er allt að því 100% líkur að þetta sé nákvæmlega það sem átti sér stað en tek það þó aftur fram að það er óstaðfest. En mjög líklegt. Eiginlega alveg öruggt.

En já svo fór samfélagið á hliðina því að allir hafa skoðanir á málum sem snúast um júllur. Feminstar tala fyrir því að konur megi vera berar að ofan eins og karlmenn mega það. Ég verð að gefa þeim það að það er helvíti solid punktur. Ég er sammála þar.

Og svo núna í gær sá ég frétt þar sem Akranes sagði að allar konur mega vera á júllunum í sundi hjá þeim. Gúdshit mál!

En þá langar mig að spá í einu öðru.

Ég fór um daginn með hóp af strákum downtown og við vorum að fá okkur a couple of beverages og doing some dancemoves in the club. Þetta var á einum vinsælasta skemmtistað landsins.
Þá fer félagi minn úr jakkanum sínum og er í hlýrabol einum innan undir. Þetta fór ekki vel í starfsmenn staðarins sem vísuðu vini mínum út. Sögðu það ekki í boði að vera á hlýrabol inná staðnum þar sem það teldist ósmekklegt og ósnyrtilegt.

Vinur minn benti þeim á þá ísköldu staðreynd að meirihlutinn af kvenfólkinu þarna inni væri í hlýrabolum eða einhverskonar múnderingu sem ekki hefði ermar. Þessi ábending var hundsuð med det samme!

Þó að þessi umræddi vinur minn væri vissulega ekki með jafn víðamiklar byssur og ég (47cm) og það var auðvitað leiðindamál fyrir gesti staðarins að hann skyldi vippa sínum út þegar mínar voru enn hólstraðar, að þá ætti hann að sitja við sama borð og dömurnar sem þarna voru með sína upphandleggi frjálsa, sérstaklega ef við notum sömu rök og feminstar notuðu úr sundsögunni.

“Ef hann má það þá má ég það” ætti að þýða það sama og “Ef hún má það þá má ég það”

Ræðið.

Nú er komið að liðnum Einar leysir vandann.

Þar sem það er af nógu að taka þá skulum við get to it, eins og ég segi stundum. Enda tvítyngdur og rúmlega það.

Launamál kynjana

Konur eru alltaf að herma. Alltaf að biðja um sömu laun og við karlarnir fyrir sömu vinnu. Af hverju eru þær ekki bara winners og ákveða sjálfar hvað þær vilja?

Lausn: Biðjið um meira en karlar fá. Hættið að herma eftir okkur körlum. Helsti gallinn virðist oft vera hjá kvennfólki að þær eru hræddar við að biðja um þau laun sem þeim finnst þær eiga skilið. Ekki vanmeta ykkur konur, hafið trú á ykkur og verið óhræddar við að biðja um það sem ykkur finnst þið eiga skilið.

Berbrjósta vs. að þurfa að vera í fötum

Það hljómar voðalega fínt fyrir karlmenn að segja að allar konur ættu að vera berbrjósta í sundi en þetta er ekki svona klippt og skorið. Til dæmis ef ég fer í sund með mömmu eða ömmu þá vil ég alveg endilega hafa þær í sundbol eða tveim.

Lausn: Gamlar konur mega ekki vera berbrjósta en konur á þrítugsaldri mega það. Daginn sem kona verður þrítug byrja brjóstin að síga niður á hné og það er mikil slysahætta af því að þær séu sveiflandi túttunum á sér eins og snákum út um alla laug.

Kosningar

Ég er mjög hrifinn af því að konur megi kjósa. Það væri algjört dickmove að hrifsa þann rétt af þeim úr því sem komið er. En þá verða þær að hætta að kjósa konur fyrir það eitt að þær eru konur Því það er barnalegt og sexist. Ef ég segðist alltaf kjósa karlmenn því þeir væru karlmenn, þá sjáið þið strax hversu heimskulegur þessi hugsunarháttur er.

Lausn: Mega kjósa en verða að vanda sig betur.

Mig minnti að það væru fleiri mál sem þarf að laga en ég man bara ekki eftir meiru. Ótrúlegt hvað áratuga löng barátta getur alltaf verið leyst á skömmum tíma þegar ég tek til hendinni.

 

boobs.jpeg

Leave a Reply