How to make möney 101

dolla.jpeg

Á þessum síðustu og verstu tímum þá hef ég spáð í ýmsum leiðum til að vinna mér inn aukapening. Eða í raun bara pening. Ég hef skrifað niður hjá mér mikið af góðum hugmyndum sem ég ætla að deila með ykkur. Sem viðskiptafræðingur get ég mælt með þeim öllum en tek það þó fram að ég á copyright af þeim öllum en þið getið framkvæmd þær með því að semja við mig á Facebook. Ég tek 85% kött.

Stofna nýjan Blóðbanka

Hugsaðu málið. Það er bara einn blóðbanki á landinu en 3 stórir viðskiptabankar. Auðvitað er þessi eini blóðbanki að moka inn gulli í hverri viku því samkeppnin er engin. Þau hirða blóðið okkar alveg ókeypis og selja það síðan til Sýrlands og annarra blóðlítilla landa fyrir fúlgu fjár. Það er stór markaður fyrir blóðbanka hér á landi og það væri viðskiptafræðilegt-sjálfsmorð að nýta sér það ekki. Ég mun opna nýjan blóðbanka í næstu viku og það mun auka verðmæti blóðs landsmanna og ég mun bæta um betur. Ég mun líka taka við hommablóði. Já og lesbíublóði ef þær hafa blóð. Þetta eru markaðir sem hafa verið sniðgengnir af þeim einræðisherra sem hefur safnað blóði landsmanna áratugum saman.

 

Fjárkúgun

Fjárkúgun er ein elsta og besta leiðin til að get free cash. Það góða við fjárkúgun er þettta er svo opið svið sem maður getur unnið með. Vissulega drulluðu Hlín og Malín á sig í fyrra en það var ekki vegna þess að fjárkúgun er flókið dæmi heldur vegna þess að þær eru hálfvitar. Þær hefðu sennilega líka klúðrað málunum ef þær hefðu reynt að að keyra frá Reykjavík til Akureyrar. En nóg um þær.
Best er að fjárkúga ríkt fólk sem maður þolir ekki. Ég vil ekki nefna nöfn en það er ekki að ástæðulausu að þær systur völdu Sigmund Davíð.
Gott er að eiga lager af kynlífs-videoum af þessu fólki og þá þarftu lítið annað að gera en að senda þeim SMS með bankaupplýsingum og svo bara horfiru á peningana rigna yfir þig.

Mannrán

Virkar nokkuð svipað og fjárkúgun nema er skemmtilegri. Maður stelur bara einhverjum gæja sem er loaded og skilar honum þegar manni er borgað. Þetta er gamalt eineltistrix frá leikskóla, þar sem maður kannski reif óvin sinn úr stígvélinu og skilaði því ef hann lét mann frá leikfangið sem maður vildi fá.
Eins og í fjárkúguninni, mæli ég með að þetta sé gert við efnameira fólk en líklega myndi þetta virka með fátæklinga hér á Íslandi þar sem við hendum alltaf í söfnun fyrir allt vesen. Það yrðu allir tilbúinir að leggja hönd á plóg til að bjarga einhverjum sem maður væri búinn að stela.
Gott er að búa til lítið búr í kjallaranum til að geyma ránsfenginn í og maður getur gefið honum Maryland eða eitthvað annað ódýrt kex þangað til maður fær borgað.
Mannrán eru mjög óalgeng á Íslandi svo ekki sé meira sagt og því er mikil frumkvöðlalykt af því að skara fram úr í þessum business.

Skrifa handrit af kvikmynd

Ég tók mig til og skrifaði niður handrit af bíómynd fyrir ekki svo löngu. Hér er hún í stuttu máli.

Sjálfur leik ég aðalhlutverk myndarinnar, Brock, íslenskættaðan Kanadamann sem spilar handbolta með Val og er 1.99 á hæð.

Erki óvinur minn er línumaður Hauka, leikinn af Einari Boom.

Hann er alltaf að rassnauðga ungu strákunum í liðinu og hlustar aldrei á dómarann.
Besti vinur minn í myndinni heitir The Lemon sem er frekar shady gaur en samt alltaf hægt að treysta á hann. Sennilega verður hann leikinn af DJ Víkingi.

Ég er ofurhetja á nóttunni (DJ Víkingur er My Robin) en er handboltamaður í fjárhagsvanda á daginn. Í markinu hjá Val er 46 ára og illa farinn maður að nafni Gareth Joe. Hann er drykkfelldur og þrí fráskilinn Walesverji leikinn af Baltasari Kormák. Hann mætir á æfingar með mikla og sterka kaupstaðarlykt og lifir á fornri frægð og eiturlyfjum.

Á nóttunni er ég að kylfuberjast við við mótórhjólaklúbb Einars Boom á meðan DJ Víkingur spilar djúpa teknó tóna úr illa förnum Daihatsu Applause bílnum mínum. Eftir bardagann fer ég beint heim í háttinn því það er útihlaup snemma á morgnana hjá Val. Þjálfari Vals heitir Hanz með Z og er leikinn af engum öðrum en Sigmundi Davíð. Hvorki ég né liðsfélagarnir mínir sýnum Hanz þá virðingu sem hann sækist eftir en það gæti verið að leikaravalið sé afleiðing þess.

Myndin endar á því að það er úrslitaleikur Vals og Hauka í Vodafonehöllinni á 17.júní og Einar Boom hálsbrýtur DJ Víking þegar hann keyrir inn í hliðiná honum í hraðarupphlaupi. DJ Víkingur fær kreatínsprautu í hjartað frá sjúkraþjálfaranum sem er leikin af Rannveigu Rist, forstjóra Rio Tinto Alcan. Á meðan hún er að lækna hann brjótast út mikil slagsmál í höllinni milli handboltabullna og mótórhjólagengis Einars B. Þar verða mikið um ótrúlegar bardagasenur kóríógrafaðar mér sjálfum og Dansskóla Brynju Péturs.

Ég vil ekki fara út í meiri details svo ég spoili ekki myndinni fyrir ykkur. Ég er sem stendur að leita mér að sponsurum fyrir þetta verkefni.

 

Seinna tek ég fyrir góð sparnaðarráð en hér deili ég þó einu þeirra með ykkur frá Snapchatinu mínu í dag.


Snapchat: einarthor89

Sjáumst samt

Leave a Reply