Jól og náramót

 

Af hverju má ekki segja lengur Merry Christmas og ég þarf í staðinn að segja Happy Holidays?

Af því að einn gæji sem gæti heyrt í mér er ekki kristinn og gæti farið að grenja því hann heldur ekki uppá jólin? Hann getur bara haldið kjafti.

Ekki það að ég geti ekki sagt Happy Holidays, ég get það vel, þetta er bara prinsipp mál.

Nei bara nettur jólapirringur. Flestir eru alltaf að segja manni að vera hress og góður við alla um jólin en það er líka fínt að vera pirraður af og til og þar eru jólin engin undantekning. Ég er núna í Eyjum hjá fjölskyldunni um jólin og það má alveg taka smá pirring.
Sem dæmi, hvaða helvítis hlandfata ákvað að setja skriðdreka-hraðarhindrun á Strembugötuna? Það er ekki hægt að keyra um ein fjölförnustu gatnamótin á eyjunni án þess að detta í flogakast rétt áður en maður stoppar á stöðvunarskyldunni sem er einhverjum 20 metrum neðar á veginum.

Ég á nú ekki barn ennþá en eins og foreldrar bæjarins hafa tekið eftir að þá er ekki hægt að keyra yfir þetta með sofandi barn í bílnum, ég lenti í töluvert alvarlegra atviki um daginn þegar ég var á leiðinni heim af æfingu og ég var að halda inn í mér kúk en síðan kem ég að þarna að Berlínarmúrnum sjálfum og það munaði minnsti við að ség drullaði í mig þegar ég keyrði yfir helvítið. Sem betur fer var ég með vel herptan hringvöðvann og skaðinn var ekki meiri en það að allir smápeningarnir úr öskubakkanum skoppuðu út um allan bílinn og um öll gólf. Mér finnst ekki gaman að tína upp rúman 700 kall í klinki í hvert skipti sem ég keyri heim eða að heiman.
Síðan þurftu þessi nasistar endilega að gera þetta rétt fyrir jól. Sem útskýrir sennilega hvers vegna þeir hentu í þessa gulu og svörtu plast hraðarhindrun í staðinn fyrir að malbika bara bungu á fjandans veginn eins og menn gera almennt og er kennt á fyrsta degi í vegagerðinni.
Ég sem danskur ríkisborgari hjóla mikið í heimalandinu, get ekki ímyndað mér hvernig er að hjóla yfir svona aðskotabungu. Það endar sennilega með 12 klukkustunda opinni heilaaðgerð þar sem ég væri látinn spila á saxófón eins og þessi gæji hér.

Annars eru jólin búin að fara vel með mig. Ég ætti að vera búinn að læra meira en ég hef gert þar sem ég fer í prófin í janúar. Danskurinn er það mikill hálfviti að hann setur jólaprófin í janúar svo maður geti ekki leyft sér a slaka á yfir hátíðirnar. Ég verð í prófum frá 5.jan til þann 15. og fer síðan í tveggja vikna frí eða til 1.febrúar og þá byrjar næsta önn. Það ætti náttúlega bara að afhausa menn sem eru þarna ábyrgir. Og konur líka ef þær eru ábyrgar. Þær eru víst orðnar jafnar körlum í einu og öllu. Ja, nema ekki í launum. Við sendum baráttukveðjur til þeirra.

En höldum okkur samt við Eyjar. Það er svo marg sem ég er hneykslaður á og því ætla ég að blogga um það eins og Frank Hvam vinur minn segir:

Núna líður að áramótum. Stærsta djamm-degi ársins. Hvernig stendur á því að það sé ekkert áramótaball á helvítis eyjunni? Ég veit að böllin lögðust af fyrir örfáum árum þar sem fólk vildi frekar fara á Volcano þar sem hleypt var inn í hollum, vegna þess að fólk var ekki tilbúið að borga á ball þegar aðrir kostir voru í boði. Það er óskiljanlegt að ekki sé nú ball þar sem Volcano hefur hætt starfsemi og því engin skemmtistaður í bænum. Lundinn er eini opni pöbbinn en það er því miður ekki hægt að kalla hann skemmtistað því þangað fara draumar til að deyja og svo geturu komið þangað daginn eftir og drekkt sorgum þínum með fyllibyttum bæjarins.Ég var orðinn mjög spenntur fyrir að fá mér nokkra cold refreshing beverages um áramótin og kíkja út á lífið en litlar líkur verða á því.

Að minnsta kosti þarf einhver að bjóða mér í gúdshit partý því ég hef síðustu ár bara verið í áramótapartýji hjá mömmu og hún er alltaf dauð fyrir miðnætti. Svo skíta allir kettirnir á sig útaf flugeldunum og maður er allt kvöldið þrífandi upp kisukúk og maður dettur úr gúdshit partýgír við það.

Jólakveðjur Einar

Ps. Hjón yfir fertugt; fáið ykkur fokking sitthvorn Facebook accountin. Það hata ykkur allir af því að maður veit aldrei hvort ykkar er að commenta á shittið manns!

Leave a Reply